Mwegendereze amasomero ge mulondera abaana bammwe!

Abazadde balabuddwa ku ngeri gye balondamu amasomero gye basomeseza abaana baabwe, basookenga kwekenenya ebyo abaana bye basobola okuyigayo.

Minisita wa Buganda owa Kabineeti, Olukiiko, Abagenyi n’Ensonga ez’enjawulo mu woofiisi ya Katikkiro Owek. Noah Kiyimba aliko obubaka bw’atisse abazadde bw’abadde ku mukolo gw’essomero Kids’ Kingdom Kindergarten e Namugongo.

Mu ssuuti ye Minisita Noah Kiyimba, amuddiridde ku ddyo ye Owek. Sylvia Mazzi, ku kkono ye Omuk. Richard Kakonge, Omwami ow’envi ye Prof. Paul Edward Tebakyagenda Mugambi

“Abazadde kikulu nnyo okwekenenya amasomero gye mutwala abaana bammwe mwewale ago ag’abenonyeza ensimbi mu kifo ky’okuteeka essira mu kubangula abaana” Minisita Noah Kiyimba.

Owek. Kiyimba agamba nti omusingi omuggumivu gusalawo kinene ku biseera by’omumaaso eby’omwana yenna, na bwekityo omuzadde asaana okusalawo obulungi essomero omwana we gy’afunira omusingi. Ategeezezza nti bangi kw’abo abalemererwa ensi kiva ku wa gye baatandikira obulamu mu masomero n’awaka.

Mu mbeera eno era akubirizza abazadde okufaayo ku nneeyisa y’abaana mu luwummula luno naddala engeri gye bakozesaamu tekinologiya ow’essimu, Terefayina, n’ebyuma bikalimagezi ebirala byonna. Alabudde nti olw’abaana okumala obudde obungi ku masimu, bangi balwadde amaaso, abalala bayize emize olw’ebyo bye balaba awatali kulungamizibwa. Bwatyo akalaatidde abazadde okulondoola abaana baabwe entakera.

Minisita Kiyimba yebazizza abatandisi b’essomero Kids’ Kingdom Kindergarten, nga bano ye Owek. Sylvia Mazzi ne bba Omuk. Richard Kakonge. Ategeezezza nti okutandikawo essomero ly’abaana kikulu nnyo mu kuteekateeka abatuuze b’Eggwanga ery’enkya, era yebazizza n’abasomesa ababangula abaana olw’okubafaako obulungi.

Stories That Inspire

Meet Sarah, a 9-year-old girl who, thanks to donations, now attends school regularly and receives nutritious meals that have improved her health and concentration. Or Jamal, whose access to medical care helped him overcome a serious illness and return to play with his friends.

These stories remind us that every donation matters—because behind every number is a child whose life has been changed.

Owek. Sylvia Mazzi omu ku batandisi b’essomero lino mu bubaka bwe, naye akubirizza abazadde nga balondera abaana amasomero baleme kutuunulira bizimbe wabula obusobozi bw’essomero okuteekateeka obulungi omwana n’okumuwa ebyo by’alina okufuna mu budde obutuufu.

“Omwana omuto asaana n’atwalibwa ku ssomero erimuwa obudde okuzuula obusobozi bwe n’obunafu bwe, olwo n’ayambibwako okwezuula, okufuna obuvumu n’okwekkiririzaamu” Owek. Mazzi.

Ategeezezza nti ku Kid’s Kindergarten, essira baasalawo kuliteeka ku baana bato bokka era tebalina wadde Pulayimale, wabula basomesa abaana abato mu (Kindergarten) n’okulabirira abatanatuusa kusoma (Daycare).

“Emyaka 12 egya Kid’s Kingdom Kindergarten Namugongo essira tuliteeka ku kugunjula abaana, okubalabirira basobole okukula nga basanyufu, awatali kibataataganya kyonna. Tubasigamu empisa, tubayigiriza okwekola ebintu eby’enjawulo n’emikono gyabwe, ate nga tubakuutira okumanya n’okutya Katonda” Owek. Sylvia.

Omukolo gwetabiddwako Prof. Paul Edward Tebakyagenda Mugambi, ssaabayigisa mu kubala eyasookera ddala mu buvanjuba n’amassekati ga Africa era eyatandikawo “Uganda Mathematics Society”. N’abantu abalala bangi abeetabye ku mukolo guno okuli n’abazadde abaddewo okulaba n’okuwagira abaana baabwe nga boolesa ebitone eby’enjawulo.

Wabaddewo n’okukwasa amabaluwa eri abaana abakakasiddwa nti bamazeeko omutendera gwa ‘Kindergaten’ era basaanidde okwegatta ku Pulayimale.